എസ്എസ്എല്‍സി പരീക്ഷ ഫലം അതിവേഗം അറിയാം: ഇതാ വഴികള്‍,

തിരുവനന്തപുരം: സംസ്ഥാനത്തെ എസ് എസ് എല്‍ സി പരീക്ഷ ഫലം ഇന്ന് അറിയാം. റ്റി എച്ച് എസ് എൽ സി / എ എച്ച് എസ് എൽ സി പരീക്ഷാഫലവും ഇന്ന് ഉച്ച കഴിഞ്ഞ് മൂന്ന് മണിക്ക് വിദ്യാഭ്യാസ വകുപ്പ് മന്ത്രി വി ശിവന്‍കുട്ടി പ്രഖ്യാപിക്കും. കഴിഞ്ഞ വർഷം മെയ് 19 നാണ് ഫലപ്രഖ്യാപനം നടത്തിയതെങ്കില്‍ ഇത്തവണ 11 ദിവസം നേരത്തെയാണ് പ്രഖ്യാപനം. 2023 ല്‍ 99.70 ശതമാനമായിരുന്നു വിജയ ശതമാനം. ഇത്തവണ 427105 വിദ്യാർഥികൾ ആണ് ഫലം കാത്തിരിക്കുന്നത്.

മന്ത്രിയുടെ പ്രഖ്യാപനത്തിന് പിന്നാലെ പിആർഡിയുടെ ആപ്പിലൂടെ ഫലം അറിയാൻ സാധിക്കും. ഹോം പേജിലെ ലിങ്കിൽ രജിസ്റ്റർ നമ്പർ മാത്രം നൽകിയാൽ വിശദമായ ഫലം ലഭിക്കും.

എസ്എസ്എൽസി പരീക്ഷാ ഫലം www.prd.kerala.gov.in, www.result.kerala.gov.in, www.examresults.kerala.gov.in, https://sslcexam.kerala.gov.in, www.results.kite.kerala.gov.in, https://pareekshabhavan.kerala.gov.in എന്നീ വെബ്സൈറ്റുകളിലും PRD Live മൊബൈൽ ആപ്പിലും ലഭ്യമാകും.

Leave a Reply

Your email address will not be published. Required fields are marked *