![](http://idukkiexpress.in/wp-content/uploads/2024/01/IMG-20240120-WA0023.jpg)
തിരു.പുരം: കരിമണല് കമ്ബനിയായ സിഎംആര്എല്ലില് നിന്നും എക്സാലോജിക് കമ്ബനിക്ക് അനധികൃതമായി പണം ലഭിച്ചെന്ന കേസിലെ എസ്എഫ്ഐഒ അന്വേഷണം റദ്ദാക്കണമെന്നാവശ്യപ്പെട്ട് സമര്പ്പിച്ച ഹര്ജി കര്ണാടക ഹൈക്കോടതി തിങ്കളാഴ്ച്ച പരിഗണിക്കും.
![](http://idukkiexpress.in/wp-content/uploads/2024/02/IMG-20240205-WA0019-1024x1024.jpg)
രാവിലെ 10.30 ന് ജസ്റ്റിസ് എം നാഗപ്രസന്നയുടെ ബെഞ്ചായിരിക്കും ഹര്ജി പരിഗണിക്കുക.
എസ്എഫ്ഐഒ അന്വേഷണം റദ്ദാക്കണമെന്നും ഇടക്കാല ഉത്തരവിലൂടെ എസ്എഫ്ഐഒയുടെ തുടര്നീക്കങ്ങള് സ്റ്റേ ചെയ്യണമെന്നുമാണ് ഹര്ജിയിലൂടെ മുഖ്യമന്ത്രി പിണറായി വിജയന്റെ മകള് വീണാ വിജയന്റെ ഉടമസ്ഥതയിലുള്ള എക്സാലോജിക് കമ്ബനി ആവശ്യപ്പെടുന്നത്.
![](http://idukkiexpress.in/wp-content/uploads/2024/01/IMG-20240104-WA0010.jpg)
അന്വേഷണം പ്രഖ്യാപിച്ചുള്ള ഉത്തരവിന് ആധാരമായ വിവരങ്ങള് ലഭ്യമാക്കണമെന്നും ഹര്ജിയിലൂടെ ആവശ്യപ്പെടുന്നുണ്ട്. എസ്എഫ്ഐഒ വീണാ വിജയനെ ചോദ്യം ചെയ്യാനിരിക്കെയാണ് എക്സാലോജിക്ക് കര്ണ്ണാടക ഹൈക്കോടതിയെ സമീപിച്ചത്.
![](http://idukkiexpress.in/wp-content/uploads/2024/01/IMG-20240131-WA0015-1024x1024.jpg)
എസ്എഫ്ഐഒ, കേന്ദ്ര കോര്പ്പറേറ്റ് മന്ത്രാലയം എന്നിവരെ എതിര്കക്ഷികളാക്കിയായിരുന്നു ഹര്ജി. കമ്ബനി ആസ്ഥാനം ബെംഗളൂരുവില് ആയതിനാലാണ് കര്ണ്ണാടക ഹൈക്കോടതിയെ സമീപിച്ചത്.
![](http://idukkiexpress.in/wp-content/uploads/2024/01/IMG-20240120-WA0011-1024x1024.jpg)
സിഎംആര്എല്-എക്സാലോജിക് പണമിടപാട് അന്വേഷിക്കാന് ജനുവരി 31 നാണ് എസ്എഫ്ഐഒ അന്വേഷണ സംഘം രൂപീകരിച്ചത്.
പിന്നാലെ സിഎംആര്എല് ഓഫീസിലും ഓഹരി പങ്കാളിയായ കെഎസ്ഐഡിസിയുടെ ഓഫീസിലുമെത്തിയ സംഘം അക്കൗണ്ട് വിവരങ്ങള് അടക്കമുള്ള വിവരങ്ങളും ശേഖരിച്ചിരുന്നു.
എക്സാലോജിക്കില് പരിശോധന നടക്കാനിരിക്കെ കൂടിയാണ് ഹൈക്കോടതിയില് ഹര്ജിയെത്തിയത്. ബെംഗ്ളൂരുവില് പ്രവര്ത്തിച്ചിരുന്ന കമ്ബനി പ്രവര്ത്തനം അവസാനിപ്പിച്ചതിനാല് ഏക ഡയറക്ടറായ വീണാ വിജയനില് നിന്നുമാത്രമെ വിവരങ്ങള് ലഭിക്കുകയുള്ളൂ.