തിരുവനന്തപുരം: തെക്ക് – കിഴക്കൻ അറബിക്കടലില് കേരള തീരത്തിന് അരികെ ന്യൂനമർദ്ദം രൂപപ്പെട്ടു. ഇതിന്റെ ഫലമായി കേരളത്തില് അടുത്ത 5 ദിവസം ഇടി, മിന്നല്, കാറ്റ് എന്നിവയോട് കൂടിയ മിതമായ അല്ലെങ്കില് ഇടത്തരം മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.
![](http://idukkiexpress.in/wp-content/uploads/2024/05/SAVE_20240523_100223.jpg)
ഇന്ന് (2024 മെയ് 24) സംസ്ഥാനത്തെ ഒറ്റപ്പെട്ട സ്ഥലങ്ങളില് അതിശക്തമായ മഴ പെയ്യും. ഇന്ന് മുതല് നാളെ വരെ ശക്തമായ മഴയ്ക്കും സാധ്യതയുണ്ട്. മധ്യ പടിഞ്ഞാറൻ ബംഗാള് ഉള്ക്കടലിലെ ശക്തികൂടിയ ന്യൂനമർദ്ദം മധ്യ ബംഗാള് ഉള്ക്കടലില് തീവ്ര ന്യൂനമർദ്ദമായി ശക്തി പ്രാപിച്ചു.
![](http://idukkiexpress.in/wp-content/uploads/2024/05/SAVE_20240517_185541-700x1024.jpg)
മെയ് 25- ന് രാവിലെയോടെ മധ്യ കിഴക്കൻ ബംഗാള് ഉള്ക്കടലില് ചുഴലിക്കാറ്റായും തുടർന്ന് മെയ് 25 -ന് വൈകുന്നേരത്തോടെ വീണ്ടും ശക്തി പ്രാപിച്ച് തീവ്രചുഴലിക്കാറ്റായും ഇത് മാറാൻ സാധ്യതയുണ്ട്. തുടർന്ന് മെയ് 26- നു രാത്രിയോടെ ബംഗ്ലാദേശ് – പശ്ചിമ ബംഗാള് തീരത്ത് സാഗർ ദ്വീപിനും ഖെപ്പുപാറക്കും ഇടയില് കരയില് പ്രവേശിക്കാൻ സാധ്യതയുണ്ടെന്നാണ് വിലയിരുത്തല്.
![](http://idukkiexpress.in/wp-content/uploads/2024/04/SAVE_20240420_150802-1024x1024.jpg)
സംസ്ഥാനത്ത് ഇന്ന് എല്ലാ ജില്ലകളിലും മഴ പെയ്യും. അതേസമയം മുന്നറിയിപ്പുകളില് മാറ്റമുണ്ട്. 3 ജില്ലകളില് ഓറഞ്ച് അലർട്ട് തുടരുന്നുണ്ട്. 9 ജില്ലകളില് യെല്ലോ അലർട്ട് പുറപ്പെടുവിച്ചു. കോഴിക്കോട്, കണ്ണൂർ, കാസർകോട് ജില്ലകളില് കൂടിയാണ് യെല്ലോ അലർട്ട് പ്രഖ്യാപിച്ചത്.