കട്ടപ്പന : നീരൊഴുക്ക് തടസപ്പെട്ട് ജനങ്ങള്ക്ക് ഏറെ ദുരിതം വരുത്തിയ വലിയകണ്ടം തോട്ടില് ശുചീകരണ പ്രവർത്തനം നടത്തി.
![](http://idukkiexpress.in/wp-content/uploads/2024/05/SAVE_20240522_120823-1024x1024.jpg)
2018 ഉള്പ്പെടെയുള്ള കാലവർഷത്തെത്തുടർന്ന് മാലിന്യം അടിഞ്ഞ്കൂടിയ തോട്ടിലൂടെ വെള്ളം കരകവിഞ് ഒഴുകിയിരുന്നു. ഇതോടെ കക്കാട്ടുകട അടക്കമുള്ള പ്രദേശങ്ങളിലേക്ക് ഇതുവഴിയുള്ള ഗതാഗതവും തടസ്സപ്പെടുന്നതിന് ഇടയാക്കി.
![](http://idukkiexpress.in/wp-content/uploads/2024/05/SAVE_20240517_185541-700x1024.jpg)
പല വീടുകളിലേക്ക് വെള്ളം കയറുന്നതിനും കാരണമായി. ഈ സാഹചര്യത്തിലാണ് തോട്ടിലെ മണ്ണും കല്ലും നീക്കംചെയ്തുള്ള നടപടി ആരംഭിച്ചത്.മഴക്കാലപൂർവ്വ ശുചീകരണത്തിന്റെ ഭാഗമായി നഗരസഭയും പ്രദേശവാസികളും ചേർന്നാണ് മണ്ണ് മാന്തിയന്ത്രം ഉപയോഗിച്ച് മാലിന്യങ്ങള് നീക്കി തോടിന്റെ സ്വാഭാവിക നീരൊഴുക്ക് ശക്തിപ്പെടുത്തിയത്.
![](http://idukkiexpress.in/wp-content/uploads/2024/05/IMG-20240523-WA0022-1024x1024.jpg)